Uyghur élidiki ayallarning hoquqida özgirish meydan'gha kélemdu ?

Aptonum rayonluq ayallar birleshmisi, buningdin kéyin, Uyghur élida toy qilish, hamildar bolush, tughut dem élishi, bala imitish qatarliq ehwallarni bahane qilip , ayal ishchi - xizmetchilerni xizmettin boshitiwishni men'iy qilish heqqide qarar chiqardi.

Xitay xewer agéntliqining bu heqte bergen xewiridin melum bolushiche, eger ayallarning yuqirida tilgha élin'ghan hoquqliri dexli - teruzge uchrisa qanun boyiche bir terep qilinidiken.

Uyghur milli herikitining rehbiri we kishilik hoquq pa'aliyetchisi rabiye qadir xanimning bildürüshiche, Uyghur ayallirining yuqiriqidek hoquqi uzun yillardin béri qattiq depsende qilin'ghan bolup, bolupmu xitay hökümitining pilanliq tughut siyasiti sherqiy türkistanda ayallargha eng éghir aqiwetlerni keltürüp chiqarghan. Hetta 8 ayliq hamililermu pilansiz dep hésablansa qosaqtin opiratsiye qilip élip tashlinidighan ehwallar körülgen.

Uyghur siyasiy pa'aliyetchiliri, aptonom rayonluq ayallar birleshmisi teripidin chiqirilghan mezkür qararni, xelq'ara teshkilatlarning , xitayda ayallargha bérilgen hoquq shuningdek xitay hökümiti yolgha qoyuwatqan pilanliq tughut siyassitige körsetken bésimidin kéyin chiqirilghan bolushimu mumkin dep perez qilishmaqta shundaqla mezkür qararning emeliylishishige guman bilen qarimaqta .

Aptonom rayonluq ayallar birleshmisi teripidin ayallargha bérilgen bu birqanche imtiyaz, chet'ellerde ayallar üchün eng eqelliy hoquqlardin bolup hésablinidu. (Eqide)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar