Нарат айродруми келәр йили 9 - айда пүтиду


2004-12-31
Share

Уйғур аптоном райониниң күнәс наһийисидики нарат айродруми келәр йили 9 - айда пүтиду. Нарат айродруми асасән саяһәтчиләр үчүн ясиливатқан болуп, айродруминиң 2 к м нерисиға чаңға тейилиш мәйдани қурулидикән. Айродрум қурулушиға 160 милйон йүән мәбләш селинған. Чаңға тейилиш мәйданиниң көлими 4500 мо болуп, 90 милйон йүән мәбләғ селиниду. Бейҗиңдики бир хитай ширкити чаңға мәйдани ясашни көтүривалған. Күнәс наһийилик саяһәт идариси 20 милйон йүән мәбләғ селип, айродрумдин чаңға мәйданиғичә асма вагун шундақла рестуран, миһманхана қатарлиқ әслиһәләрни ясашқа мәсул болиду.

"Үрүмчи кәчлик гезити" ниң хәвәр қилишичә, нарат айродрумиға 737, 747 бәлгилик чоң типтики йолучилар айропилани қоналайдикән. Хитайниң дөләтлик тәрәққият вә ислаһат комитети, бу йил 4 - айда нарат айродруми қурулушини тәстиқлиған. Аптоном район даирилириниң ашкарилишичә, нарат саяһәт райониға айродрум ясаш пилани 1996 - йили оттуриға қоюлған болуп, асаслиқи ичкиридики хитай саяһәтчиләрни җәлп қилиш мәқсәт қилған. Нарат, шәрқий түркистандики тәбиий муһити әң гүзәл районларниң бири. Бирақ муһит қоғдиғучилар, нарат айродруми вә чаңға тейилиш мәйдани қурулушиниң райондики муһит екологийисини бузғунчилиққа учритишидин әнсиримәктә. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт