Narat ayrodrumi kéler yili 9 - ayda pütidu


2004-12-31
Share

Uyghur aptonom rayonining künes nahiyisidiki narat ayrodrumi kéler yili 9 - ayda pütidu. Narat ayrodrumi asasen sayahetchiler üchün yasiliwatqan bolup, ayrodrumining 2 k m nérisigha changgha téyilish meydani qurulidiken. Ayrodrum qurulushigha 160 milyon yü'en meblesh sélin'ghan. Changgha téyilish meydanining kölimi 4500 mo bolup, 90 milyon yü'en meblegh sélinidu. Béyjingdiki bir xitay shirkiti changgha meydani yasashni kötüriwalghan. Künes nahiyilik sayahet idarisi 20 milyon yü'en meblegh sélip, ayrodrumdin changgha meydanighiche asma wagun shundaqla résturan, mihmanxana qatarliq eslihelerni yasashqa mes'ul bolidu.

"Ürümchi kechlik géziti" ning xewer qilishiche, narat ayrodrumigha 737, 747 belgilik chong tiptiki yoluchilar ayropilani qonalaydiken. Xitayning döletlik tereqqiyat we islahat komitéti, bu yil 4 - ayda narat ayrodrumi qurulushini testiqlighan. Aptonom rayon da'irilirining ashkarilishiche, narat sayahet rayonigha ayrodrum yasash pilani 1996 - yili otturigha qoyulghan bolup, asasliqi ichkiridiki xitay sayahetchilerni jelp qilish meqset qilghan. Narat, sherqiy türkistandiki tebi'iy muhiti eng güzel rayonlarning biri. Biraq muhit qoghdighuchilar, narat ayrodrumi we changgha téyilish meydani qurulushining rayondiki muhit ékologiyisini buzghunchiliqqa uchritishidin ensirimekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet