"ئايروپىلان ۋەقەسى" ھەققىدە يېڭى مەلۇماتلار ئاشكارىلاندى
2008.03.20
رويېتىرس ئاگېنتلىقى 20 - مارت بېيجىڭدىن بەرگەن خەۋىرىدە 7 - مارت كۈنى يۈز بەرگەن "ئايروپىلان ۋەقەسى " ھەققىدە يەنە بىر قاتار يېڭى مەلۇماتلارنى خەۋەر قىلدى. خەۋەردە بىلدۈرۈلۈشىچە، ۋەقە گۇماندارلىرى ئايروپىلانغا پاكىستان ۋە ئوتتۇرا ئاسىيا دۆلەتلىرى پاسپورتى بىلەن چىققان. ئەمما ئوتتۇرا ئاسىيادىكى قايسى دۆلەتنىڭ پاسپورتى قوللىنىلغانلىقى خەۋەردە بىلدۈرۈلمىگەن.
رويتېرىسنىڭ، خىتاينىڭ مەلۇم بىر بىخەتەرلىك مۇتەخەسسىسىدىن ئىگىلىشىچە، ۋەقە گۇماندارى 3 نەپەر بولۇپ، بىر ئەر ۋە ئايال گۇماندار پاكىستان پاسپورتى بىلەن ئايروپىلانغا چىققان، 19 ياشلىق ئايال گۇماندار، بىخەتەرلىك تەكشۈرۈشىدىن ئۆتكەندە، ئالاھىدە يولۇچىلار ئىشىكىدىن بېنزىن قاچىلانغان قۇتىلارنى مۇۋەپپەقىيەتلىك ئۆتكۈزگەن.
رويېتىرس، ئاۋىئاتسىيە تارماقلىرىدىن ئەھۋال ئىگىلىگەندە، ۋەقە گۇماندارلىرىدىن 19 ياشلىق قىزنىڭ پاكىستاندا تەلىم ئالغانلىقىنى، ئوتتۇرا ئاسىيا كىملىكىكە ساھىپ گۇماندارنىڭ 30 ياشلاردا ئىكەنلىكىنى، ۋەقەنى پىلانلىغۇچى ۋە رەھبەرلىك قىلغۇچىنىڭ بولسا، پاكىستان پاسپورتىغا ئىگە ئىكەنلىكىنى بىلدۈرگەن ۋە ئۇلارنىڭ قولىدىكى چەتئەل پاسپورتلىرىنىڭ ساختا ياكى قانۇنسىز يول بىلەن ئېلىنغان پاسپورت بولۇشى مۇمكىنلىكىنى بايان قىلغان. مۇخبىر ئۇلارنىڭ ئىسىم - پامىلىسى قاتارلىق باشقا ئۇچۇرلارنى سورىغىنىدا، يۇقىرىقى مەلۇماتلارنى بەرگەن كىشى، " بۇلار سەزگۈر ئۇچۇرلار" دەپ جاۋاب بېرىشنى رەت قىلغان.
ئايروپىلان ۋەقەسىگە ئائىت مەلۇماتلارنىڭ مۇنداق پارچە - پارچە ۋە ۋاقىت ئۆتكۈزۈپ ئاشكارىلىنىشى، كۆزەتكۈچىلەرنى ئويلاندۇرماقتا. ۋاڭ لېچۇەن چارشەنبە كۈنى ئۇيغۇر ئېلىدىكى مۇخبىرلارنى كۈتۈۋالغاندا، ۋەقە گۇماندارلىرىنىڭ ئايروپىلان قازاسى پەيدا قىلىش مەقسىتى، پىلانى ۋە ھەرىكەت جەريانىنى ئىقرار قىلغانلىقىنى بىلدۈرگەن ئىدى. (ئەقىدە)
مۇناسىۋەتلىك ماقالىلار
- خىتاي دائىرىلىرى ھاۋا قاتناش بىخەتەرلىك تەدبىرلىرىنى كۈچەيتتى
- خىتاي ساقچى دائىرىلىرى ئۇيغۇر قىزنىڭ مەقسىتى ئايروپىلاننى پارتلىتىش، دەپ ئېلان قىلدى
- خىتاينىڭ تېررورلۇق ھۇجۇم ھەققىدىكى باياناتى ئۇيغۇرلار توغرىسىدىكى يېڭى مۇلاھىزىلەرگە يول ئاچتى
- خىتاي ھۆكۈمىتى تېررورچىلارنىڭ ھۇجۇمى دەپ ئىغۋا ئىجاد قىلغانلىقىدىن تېنىۋالدى
- خىتاي تاشقى ئىشلار باياناتچىسى: "رابىيە ئۇيغۇرلارنىڭ ۋەكىلى ئەمەس، تېررورچىلارنىڭ ۋەكىلى"
- خەلقئارا مەتبۇئاتلاردا ئايروپىلان ۋەقەسىى مۇنازىرە قىلىنماقتا
- چىڭ گاڭ رابىيە قادىرنىڭ " ئايروپىلان بۇلاش ۋەقەسى" ھەققىدىكى باياناتىنى رەت قىلدى
- دۇنيا ئۇيغۇر قۇرۇلتىيى " ئايروپىلان ۋەقەسى" توغرىسىدا بايانات ئېلان قىلدى
- ئۇلۇغچات ناھىيىسىدە بىر كۆمۈر كان قۇدۇقىدا پارتلاش يۈز بەردى
- شېنجىننىڭ فۇتيەن شازۇي كەنتىدە يۈز بەرگەن پارتلاشتا ئىككى نەپەر ئۈسمۈر قازا قىلدى
- ئىچكى موڭغۇلدا يۈز بەرگەن پارتلاش ۋەقەلىرىدە ئاز دېگەندە 5 ئادەم ئۆلدى
- ئۈرۈمچى ساقچى دائىرلىرى پارتلاش ۋەقەسى گۇماندارىنى تۇتۇشقا ئون مىڭ يۈئەن ھەدىيە ئېلان قىلدى