"Ayropilan weqesi" heqqide yéngi melumatlar ashkarilandi


2008.03.20
Share on WhatsApp
Share on WhatsApp

Royétirs agéntliqi 20 ‏ - mart béyjingdin bergen xewiride 7 ‏ - mart küni yüz bergen "ayropilan weqesi " heqqide yene bir qatar yéngi melumatlarni xewer qildi. Xewerde bildürülüshiche, weqe gumandarliri ayropilan'gha pakistan we ottura asiya döletliri pasporti bilen chiqqan. Emma ottura asiyadiki qaysi döletning pasporti qollinilghanliqi xewerde bildürülmigen.

Roytérisning, xitayning melum bir bixeterlik mutexessisidin igilishiche, weqe gumandari 3 neper bolup, bir er we ayal gumandar pakistan pasporti bilen ayropilan'gha chiqqan, 19 yashliq ayal gumandar, bixeterlik tekshürüshidin ötkende, alahide yoluchilar ishikidin bénzin qachilan'ghan qutilarni muweppeqiyetlik ötküzgen.

Royétirs, awi'atsiye tarmaqliridin ehwal igiligende, weqe gumandarliridin 19 yashliq qizning pakistanda telim alghanliqini, ottura asiya kimlikike sahip gumandarning 30 yashlarda ikenlikini, weqeni pilanlighuchi we rehberlik qilghuchining bolsa, pakistan pasportigha ige ikenlikini bildürgen we ularning qolidiki chet'el pasportlirining saxta yaki qanunsiz yol bilen élin'ghan pasport bolushi mumkinlikini bayan qilghan. Muxbir ularning isim - pamilisi qatarliq bashqa uchurlarni sorighinida, yuqiriqi melumatlarni bergen kishi, " bular sezgür uchurlar" dep jawab bérishni ret qilghan.

Ayropilan weqesige a'it melumatlarning mundaq parche - parche we waqit ötküzüp ashkarilinishi, közetküchilerni oylandurmaqta. Wang léchu'en charshenbe küni Uyghur élidiki muxbirlarni kütüwalghanda, weqe gumandarlirining ayropilan qazasi peyda qilish meqsiti, pilani we heriket jeryanini iqrar qilghanliqini bildürgen idi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.