Xitay,"güzelnur ayropilan partlitishqa urun'ghanliqini étirap qildi," dédi


2008.03.27

Xitay hökümiti, 19 yashliq Uyghur qizi güzelnur turdining, mushu ay ichide xitay yolochi ayropilanni partlitishqa urun'ghanliqini étirap qilghanliqini bildürdi.

Xitay jama'et xewpsizlik minstirliqining bildürüshiche, güzelnur turdi, xitay saqchilirigha, 7‏ - mart küni ürümchidin béyjinggha qarap yolgha chiqqan jenub hawa yollirining bir yoluchi ayropilanida, aldin pilanlan'ghan bir térrorluq herikitini emelge ashurushqa tirishqanliqini bayan qilghan.

Ötken hepte, Uyghur aptonom rayonni kompartiyisining sékritari wang léchüen, bu heriketning chet'ellerde pa'aliyet élip bériwatqan sherqiy türkistan küchliri teripidin pilanlighanliqini bildürdi.

Xitay da'irilirining, Uyghurlarning xitay yolochi ayropilanini partlitishqa urun'ghanliqini jakarlap, lékin bu ayropilan partlitish pilani heqqide yéterlik delil - ispatlarni otturigha qoymighanliqi, xelq'ara kishilik hoquq teshkilatliri, chet'ellerde pa'aliyet bériwatqan Uyghur teshkilatliri hemde gherb mutexessisliri arisida guman qozghighan.

Hetta, bezi analizchilar, bu heriketning xitay da'irilirining bir oyuni bolushi mumkinlikini bayan qilip, eger xitay hökümiti bu oyunida ghelibe qilghan bolsa, bu shinjangdiki basturush herikitini aqlash üchün xitay hökümitige tépilmas purset yaritip bergen bolatti, déyshmekte. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.