خىتاي شەرقىي تۈركىستان ئازادلىق تەشكىلاتىنى نارىن ۋەقەسىگە چاتتى


2005-09-06
Share

سەيشەنبە كۈنى شەرقىي تۈركىستان كۈچلىرىنى ئۇيغۇر ئاپتونوم رايونىدا يېقىنقى 10 يىلدىن بېرى 160 پۇقرانى ئۆلتۈرۈش، 260 قېتىم ۋەقە سادىر قىلىش بىلەن ئەيىبلىگەن خىتاي تېررورىزىمغا قارشى تۇرۇش ئىدارىسىنىڭ مۇئاۋىنى جاۋ يوڭچىن، شىنخۇئا ئاخبارات ئاگېنتلىقىغا 2003 - يىلى 4 - ئايدا قىرغىزىستاننىڭ نارېن رايونىدا يۈز بەرگەن ئۇيغۇر سودىگەرلەرنى ئۆلتۈرۈش ۋەقەسىنىڭ شەرقىي تۈركىستان ئازادلىق تەشكىلاتى تەرىپىدىن ئېلىپ بېرىلغانلىقىنى ئىلگىرى سۈردى.

ئەمما كىشىلىك ھوقۇق تەشكىلاتلىرى جاۋنىڭ سۆزىنى خىتايلارنىڭ ئۇيغۇرلارنى باستۇرۇش ھەرىكىتىگە باھانە تېپىش تىرىشچانلىقى، دەپ باھا بەرمەكتە.

جاۋ، شەرقىي تۈركىستان كۈچلىرى" يالغۇز جوڭگوغىلا ئەمەس، پۈتۈن رايوننىڭ بىخەتەرلىكى ۋە مۇقىملىقىغا تەھدىت،" دەيدۇ. ئۇ، شەرقىي تۈركىستان كۈچلىرىنى مەكتەپ ۋە يەسلىلەرگە زەھەر تاشلاش ۋە پارتلىتىشنى پىلانلاش بىلەن ئەيىبلىگەن.

ئەمما، مەركىزى نيۇ - يوركتىكى جوڭگو كىشىلىك ھوقۇقى تەشكىلاتىنىڭ خوڭكوڭدا تۇرۇشلۇق ۋەكىلى نىكولاس بېكيۇلىن، خىتاي دائىرىلىرىنى "ئۇلار شىنجاڭدا ئاز سانلىق مىللەتلەرنىڭ ھوقۇقى ۋە دىنىي ئەركىنلىكىنى زور ۋە جىددى يوسۇندا دەپسەندە قىلىشنى قانۇنلاشتۇرۇش يولىنى تۇتماقتا،" دەپ ئەيىبلىگەن. بېكيۇلىننىڭ تەكىتلىشىچە، " ھۆكۈمەت تېررورىزىمنى باھانە قىلىش ياكى گۇمان قوزغاش ئارقىلق چەتئەل دۆلەتلىرىنىڭ دىققەت - نەزىرىنى بۇ رايوندا يۈز بېرىۋاتقان ۋەقەلەردىن يىراقلاشتۇرۇشنى ئويلايدىكەن. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت