خىتاي ھۆكۈمىتى ئۇيغۇر ئېلىدە تېررورچىلىققا قارشى ساقچى تەربىيىلەش مەركىزى قۇرماقچى


2005-08-31
Share

خىتاي دائىرىلىرى 29 - ئاۋغۇست كۈنى ئۇيغۇر ئېلىنىڭ مىچۈئەن شەھىرىدە ئوتتۇرا ئاسىيا تېررورچىلىققا قارشى ساقچى ئىشلىرى ھەمكارلىق تەربىيىلەش مەركىزىنىڭ قۇرۇلۇشىنى رەسمىي باشلىدى.

تەڭرىتاغ خەۋەر تورىنىڭ مەلۇم قىلىشىچە، خىتاي ھۆكۈمىتى 700 مىليون يۇئەن خىراجەت ئاجراتقان بۇ مەركەزدە، خىتاي ساقچىلىرى، ئوتتۇرا ۋە جەنۇبىي ئاسىيادىكى شاڭخەي ھەمكارلىق تەشكىلاتىغا ئەزا دۆلەتلەرنىڭ ساقچى قىسىملىرى بىلەن بىرلىكتە، تېررورچىلىققا قارشى ھەمكارلىق چېنىقىشلىرىنى ئېلىپ بارىدىكەن. شۇنداقلا بۇ يەردە يەنە، "تېررورچىلىق، بۆلگۈنچىلىك ۋە دىنىي رادىكال" تېمىلىرىدا ئۆگىتىش ۋە تەتقىقات كۇرسلىرى ئېچىلىدىكەن.

6 مىڭ مو كېلىدىغان قاقاسلىق يەرگە قۇرۇلغان بۇ مەركەزدە يەنە بىر قانچە يىللاردىن كېيىن، تىك ئۇچار ئايرۇپىلان قونۇش ئورنى، ئەمەلىي جەڭ مەشق رايونى، يىنىك ۋە ئېغىر تىپتىكى قوراللار ئارقىلىق قارىغا ئېتىش مەيدانى قاتارلىق زامانىۋىي مەشق بازىلىرى قۇرۇلماقچى.

فرانسىيە ئاخبارات ئاگېنتلىقىمۇ بۇ خەۋەرنى نەقىل كەلتۈرۈپ، ئۇيغۇر ئاپتونوم رايونى قۇرۇلغانلىقىنىڭ 50 يىللىقى ھارپىسىدا، خىتاي دائىرىلىرىنىڭ بولۇپمۇ ئۇيغۇر ئېلىدىكى يۇقىرى دەرىجىلىك خىتاي ئەمەلدارلىرىنىڭ يېقىندىن بۇيان ھەر خىل ئاخبارات ئېلان قىلىش يىغىنلىرىدا، ئۇيغۇر مۇستەقىلچىلىرىنى خەلقئارا تېررورچىلىق بىلەن باغلاپ ئەيىبلەۋاتقانلىقىنى خەۋەر قىلدى. (پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت