Xitay hökümiti Uyghur élide térrorchiliqqa qarshi saqchi terbiyilesh merkizi qurmaqchi
2005.08.31
Xitay da'iriliri 29 - awghust küni Uyghur élining michü'en shehiride ottura asiya térrorchiliqqa qarshi saqchi ishliri hemkarliq terbiyilesh merkizining qurulushini resmiy bashlidi.
Tengritagh xewer torining melum qilishiche, xitay hökümiti 700 milyon yu'en xirajet ajratqan bu merkezde, xitay saqchiliri, ottura we jenubiy asiyadiki shangxey hemkarliq teshkilatigha eza döletlerning saqchi qisimliri bilen birlikte, térrorchiliqqa qarshi hemkarliq chéniqishlirini élip baridiken. Shundaqla bu yerde yene, "térrorchiliq, bölgünchilik we diniy radikal" témilirida ögitish we tetqiqat kursliri échilidiken.
6 Ming mo kélidighan qaqasliq yerge qurulghan bu merkezde yene bir qanche yillardin kéyin, tik uchar ayrupilan qonush orni, emeliy jeng meshq rayoni, yinik we éghir tiptiki qorallar arqiliq qarigha étish meydani qatarliq zamaniwiy meshq baziliri qurulmaqchi.
Fransiye axbarat agéntliqimu bu xewerni neqil keltürüp, Uyghur aptonom rayoni qurulghanliqining 50 yilliqi harpisida, xitay da'irilirining bolupmu Uyghur élidiki yuqiri derijilik xitay emeldarlirining yéqindin buyan her xil axbarat élan qilish yighinlirida, Uyghur musteqilchilirini xelq'ara térrorchiliq bilen baghlap eyiblewatqanliqini xewer qildi. (Peride)
Munasiwetlik maqalilar
- Wang léchüen, rabiye xanimni térrorluq pa'aliyet uyushturmaqchi dep eyiblidi
- Xitay quruqluq armiyisi ürümchide teyyarliq topchilar polkini qurdi
- Xitay Uyghur ilini, xitayning eng chong néfit we tebi'iy gaz bilen teminlesh rayonigha aylandurmaqchi
- Xitay térrorchiliqqa qarshi qanun békitmekchi
- Xitay, teklimakan chöllükini késip ötidighan yol yasimaqchi