Баһар байрими мунасивити билән чегра еғизлири тақалди

Хитай ахбарат васитилириниң учурлириға қариғанда, хитайниң әнәниви баһар байрими мунасивити билән уйғур елиниң әтраптики дөләтләр билән болған бир қисим чегра еғизлири тақалған.

Шинхуаниң учуридин қариғанда, қазақистан билән уйғур ели арисидики алатав еғизи сәккиз күн, долат, бақту,қорғас еғизлири тоққуз күн тақалған.

Уйғур елиниң җәнубидики қирғизистан билән чегрилинидиған әркәштам еғизи тоққуз күн тақалған болсиму, лекин хәвәрдә башқа еғизларниң тақалғанлиқ яки тақалмиғанлиқи һәққидә учур берилмигән.

Оттура асия җумһурийәтлиридә яшайдиған бәзи тиҗарәтчиләрниң инкас қилишичә, хитайниң баһар байрими мунасивити билән мундақ узун вақит чегра еғизлирини тақивелиши, баһар байрими өткүзмәйдиған оттура асия содигәрлириниң сода мәнпәәтлиригә мәлум дәриҗидә зиян елип келидикән.

Хәвәрләрдин қариғанда, 4 - айниң 1 - кунидин етибарән қирғизистан тәвәсидики чәтәлликләрниң сода қилишини чәкләш қануни йолға қоюлиду, инкаслардин қариғанда, бу қанун қирғизистанда тиҗарәт қиливатқан уйғур, хитай вә башқа дөләт содигәрлири үчүн техиму зор дәриҗидә пайдисиз болуши мумкин икән. (Үмидвар)