Bahar bayrimi munasiwiti bilen chégra éghizliri taqaldi


2007.02.18
Share on WhatsApp
Share on WhatsApp

Xitay axbarat wasitilirining uchurlirigha qarighanda, xitayning en'eniwi bahar bayrimi munasiwiti bilen Uyghur élining etraptiki döletler bilen bolghan bir qisim chégra éghizliri taqalghan.

Shinxu'aning uchuridin qarighanda, qazaqistan bilen Uyghur éli arisidiki alataw éghizi sekkiz kün, dolat, baqtu,qorghas éghizliri toqquz kün taqalghan.

Uyghur élining jenubidiki qirghizistan bilen chégrilinidighan erkeshtam éghizi toqquz kün taqalghan bolsimu, lékin xewerde bashqa éghizlarning taqalghanliq yaki taqalmighanliqi heqqide uchur bérilmigen.

Ottura asiya jumhuriyetliride yashaydighan bezi tijaretchilerning inkas qilishiche, xitayning bahar bayrimi munasiwiti bilen mundaq uzun waqit chégra éghizlirini taqiwélishi, bahar bayrimi ötküzmeydighan ottura asiya sodigerlirining soda menpe'etlirige melum derijide ziyan élip kélidiken.

Xewerlerdin qarighanda, 4 - ayning 1 - kunidin étibaren qirghizistan tewesidiki chet'elliklerning soda qilishini cheklesh qanuni yolgha qoyulidu, inkaslardin qarighanda, bu qanun qirghizistanda tijaret qiliwatqan Uyghur, xitay we bashqa dölet sodigerliri üchün téximu zor derijide paydisiz bolushi mumkin iken. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet