Rabiye qadir xanimning pamir igizligidiki diloni tekshürüsh telipi xitayning ret qilishgha uchridi


2007.01.11
Share on WhatsApp
Share on WhatsApp

Xitay hökümiti, Uyghur milliy herikitining rehbri rabiye qadir xanimning b d t ning pamir igizlikidiki weqe heqqide tekshürüsh élip bérishi toghrisidiki telipini ret qildi.

Peyshenbe küni béyjingda ötküzülgen muxbirlarning kütiwilish yéghinida bir muxbirning rabiye qadir xanimning pamir igizlikide yüz bergen weqe heqqide b d t teripidin tekshürüsh élip bérilishi toghrisi'idiki telipi heqqidiki su'alini jawablandurghan xitay tashqi ishlar minstirliqining bayanatchisi lyu jenchaw": xitay hökümitining afghanistan- pakistan chégra rayonidiki térrorluq lagirigha qarita élip barghan hujumi, xitayda elqa'idige oxshash bir teshkilatning otturigha chiqishining aldini élishni meqset qilghan" dédi.

"Jungguning térrorchiliqqa qarshi élip barghan hujumi hem xitay üchün hem dünya üchün paydiliq" dep körsetken hemde térror lagirining sherqiy türkistan islamiy herikitige a'it ikenlikini ilgiri sürgen liyu jenchaw, bu teshkilatning b d t teripidin térrorluq teshkilatlar tézimlikige kirgüzülgenlikini bildürdi.

Uyghur milliy herikitining rehbiri we dunya Uyghur qurultiyining re'isi rabiye qadir xanim 9‏- dékabir küni bir bayanat élan qilip, birleshken döletler teshkilatini weqe heqqide tekshürüsh élip bérishqa chaqirghan hemde xitay hökümitidin eger xelq'arada itibarliq bir dület bolushni xalisa, b d t ning pamir igizlikide yüz bergen qanliq weqe heqqide tekshürüsh élip bérishigha ruxset qilishini telep qilghan idi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.