Logen, Uyghur élide "térrorchiliq" qa qarshi basturushni kücheytishni telep qildi


2005-09-29
Share

Xitay kompartiyisi siyasiy byurosining da'imiy hey'et ezasi logen charshenbe Uyghur élidiki qoralliq saqchi we ediliye xadimlirini "üch xil küchler" ge qarshi basturushni kücheytishke chaqirdi.

Logen, Uyghur aptonum rayoni qurulghanliqining 50 yilliqini xatirilesh munasiwiti bilen xitay merkizi wekiller ömikige yitekchilik qilip Uyghur élige kelgen. U xitay kompartiyisining qanun we bixeterlik ishlirigha mes'ul emeldari.

Logen ürümchide, qoralliq saqchi qisim we qanun- ediliye xadimlirining wekillirini qobul qilip, ularni "Uyghur élining siyasiy muqimliqini qoghdashta alahide töhpe qoshti" dep körsetti. Emma u yene "qoralliq saqchi emeldarlar choqum dawamliq türde toyuqsiz weqelerge taqabil turush iqtidarini we térrorchiliqqa qarshi turush iqtidarini östürüp, Uyghur élining muqimliqigha kapalet qilishi kérek" dédi.

Logen shundaqla yerlik bixeterlik xadimliridin " milliy bölgünchilik" ke qarshi turushta "kallini ochuq tutush" ni telep qilghan. Xitay hökümiti sherqiy türkistan musteqilchilirini "térrorchi" we "milliy bölgünchi" dep eyibleydu.

Xelq'ara kishilik hoquq teshkilatliri, xitayning " xelq'ara térrorchiliqqa qarshi köreshtin paydilinip, tinchliqperwer Uyghur öktichilirini basturiwatqanliqini eyiblimekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet