Xitay qanun tarmaqliri Uyghurlarni basturushni qanunlashturmaqta

Xitayning aptonom rayonda ötküzüwatqan ikki qurultiyigha qatnashqan wekiller, aptonom rayonluq aliy sot mehkimisi we aptonom rayonluq bash teptish mehkimisining "üch xil küch" ge qattiq zerbe bérish heqqidiki doklatini anglap, shinjangning bixeterliki we tereqqiyatini qolgha keltürüsh üchün qattiq zerbe bérish herikitini kücheytishni otturigha qoydi.

Xewerde tekitlinishiche, "üch xil küch" ler izchil türde aptonom rayonning bixeterliki we muqimligha tesir körsitip kelgen bolup, u milletler ittipaqliqi, iqtisadiy tereqqiyat shuningdek chet'el sodigerlirining rayon'gha meblegh sélish qizghinliqlirigha tesir körsitip, shinjangning tereqqiyatigha éghir dexli yetküzgen. Shunga " üch xil küch" ni shinjangning muqimliqigha ziyan séliwatqan chashqan hésablap, hemme adem birlikte urup yoqitish, dölet edliye séstimiliri bolsa qattiq zerbe bérish wastisini qollinip, heriket qilalmaydighan, hayat turalmaydighan haletke chüshürüp qoyush teshebbus qilin'ghan.

Xitay da'iriliri metbu'atlirida shinjang muqim, her millet xelqi teng barawer ittipaq yashimaqta, rayon'gha meblegh séliwatqan chet'el sodigerlirining sani kündin ‏- kün'ge köpeymekte dégendek xewerlerni tarqitiwatqan bolsimu, d u q ning bayanatchisi dilshat rishit " wang léchu'enning xelqning küchlük naraziliqini burash üchün yéqinqi yillarda üch xil küchlerge zerbe bérish bahanisida hedep qirghinchiliq élip bériwatqanliqi " ni bildürdi. (Eqide)