ئاتاقلىق يازغۇچىسى، ئۇيغۇر ھازىرقى زامان شېئىرىيىتىنىڭ باشلامچى ۋەكىللىرىدىن بىرى باتۇر روزى ئالەمدىن ئۆتتى


2007-03-27
Share

ئۇيغۇر ئېلىدىكى شەبنەم تورىدا بېرىلگەن مەلۇماتلارغا قارىغاندا، ئۇيغۇر خەلقىنىڭ ئاتاقلىق يازغۇچىسى، ئۇيغۇر ھازىرقى زامان شېئىرىيىتىنىڭ باشلامچى ۋەكىللىرىدىن بىرى بولغان باتۇر روزى يۇرەك كېسىلى بىلەن 2007 - يىلى 27 ‏-مارت ئۈرۈمچىدە ئالەمدىن ئۆتكەن.

مەلۇم بولۇشىچە، شائىر تۇيۇقسىز يۇرەك كېسىلى بىلەن ئۈرۈمچى ئىتتىپاق يولىدىكى 10 - يول ئاپتوبۇس بېكىتىدە يېتىپ قالغان بولسىمۇ، يولۇچىلار قارىماي ئۆتۈپ كېتىشكەن. كېيىن ياخشى نىيەتلىك كىشىلەرنىڭ ياردىمىدە قۇتقۇزۇش ماشىنسى چاقىرىلىپ دوختۇرخانىغا ئېلىپ بېرىلغان بولسىمۇ، ئۇ ئاللا قاچان كۆز يۇمغان ئىكەن.

باتۇر روزى 1966- يىلى يەكەن ناھىيىسىنىڭ كاچۇڭ يېزىسىدا مائارىپچى ئائىلىسىدە دۇنياغا كەلگەن. ئۇ، ئۇيغۇر ھازىرقى زامان شېئىرىيىتىدىكى چولپان دەپ ئېتىراپ قىلىنغان ھوسۇللۇق شائىر. ئۇنىڭ "پىلسىراتتىن ئۆتكەنلەر"، "زەلىلى"، "ئابدۇقادىر داموللام"، "شاھ مەشرەپ"، قاتارلىق پوۋېست، رومانلىرى ۋە "باش زىندانلىرىغا ھۇجۇم" ناملىق ماقالىلار توپلىمى كىتابلىرى نەشر قىلىنغان. (جۈمە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت