Бай наһийисидики көмүр канда қамилип қалған ишчиларниң җәсити тепилди


2005-10-05
Share

Уйғур елиниң бай наһийиси ятур йезисидики бир көмүр канда йүз бәргән кан партлаш вәқәсидә, кан астида қамилип қалған 14 нәпәр ишчиниң һәммисиниң өлгәнлики ениқланди.

Сәйшәнбә күни чүштин бурун, ятур йезисидики көмүр канда газ партлаш вәқәси йүз берип, кан астида мәшғулат елип бериватқан 25 нәпәр ишчиниң 11 и қечип қутулалиған. 14 И кан астида қамилип қалған иди.

Шинхуа агентлиқи вә өз мухбиримизниң игилигән мәлуматларға қариғанда, җәсәтләр чаршәнбә күни йәр йүзигә елип чиқилған. Вәқәдә өлгәнләрниң һәммиси сичүән , чуңчиң вә шәншидин кәлгән аққун ишчилар икән.

Вәқәдин кейин, йәрлик һөкүмәт тармақлири кан партлашниң сәвәбини тәкшүрүп, җавабкарларниң мәсулийитини сүрүштүридиғанлиқини билдүрди.

ятур йезисидики бу көмүр кан йилиға 30 миң тонна көмүр қазидиған болуп, у икки йил илгири бир шәхскә көтиригә берилгән. Бу көмүр канда уйғур ишчиларму ишләйтти.

ятур көмүр кенида қамилип қалғанларни қутқузуш ишлириға қатнашқан бир хадимниң радиомизға билдүрүшичә, уйғур елидә кан вәқәлири давамлиқ йүз бәрмәктә. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт