Bay nahiyisidiki kömür kanda qamilip qalghan ishchilarning jesiti tépildi

Uyghur élining bay nahiyisi yatur yézisidiki bir kömür kanda yüz bergen kan partlash weqeside, kan astida qamilip qalghan 14 neper ishchining hemmisining ölgenliki éniqlandi.

Seyshenbe küni chüshtin burun, yatur yézisidiki kömür kanda gaz partlash weqesi yüz bérip, kan astida meshghulat élip bériwatqan 25 neper ishchining 11 i qéchip qutulalighan. 14 I kan astida qamilip qalghan idi.

Shinxu'a agéntliqi we öz muxbirimizning igiligen melumatlargha qarighanda, jesetler charshenbe küni yer yüzige élip chiqilghan. Weqede ölgenlerning hemmisi sichü'en , chungching we shenshidin kelgen aqqun ishchilar iken.

Weqedin kéyin, yerlik hökümet tarmaqliri kan partlashning sewebini tekshürüp, jawabkarlarning mes'uliyitini sürüshtüridighanliqini bildürdi.

Yatur yézisidiki bu kömür kan yiligha 30 ming tonna kömür qazidighan bolup, u ikki yil ilgiri bir shexske kötirige bérilgen. Bu kömür kanda Uyghur ishchilarmu ishleytti.

Yatur kömür kénida qamilip qalghanlarni qutquzush ishlirigha qatnashqan bir xadimning radi'omizgha bildürüshiche, Uyghur élide kan weqeliri dawamliq yüz bermekte. (Arzu)