Aqsuning bay nahiyisidiki bir kömürkénida weqe yüz berdi


2005.10.04

Uyghur aptonom rayonining bay nahiyisi yatur yézisidiki bir kömür kénida seyshenbe küni chüshtin burun gaz partlash weqesi yüz bérip, 14 adem kan astida qamilip qaldi, ikki adem yarilandi. Igilishimizche, kan astida qamilip qalghanlarning ölük - tirikliki hazirgha qeder melum emesken.

Weqe seyshenbe küni etigen sa'et 10:45 larda yüz bergen bolup, weqe yüz bergende kan astida 25 ishchi meshghulat élip bériwatatti. Weqe yüz bergendin kéyin ishchilardin 11 kishi kan sirtigha qéchip chiqiwalghan, bu jeryanda ikki ishchi yarilan'ghan.

Weqe yatur kömür kénining 1 - nomurluq quduqida kélip chiqqan. Bu weqe xitay bash ministiri wén jyabaw, yéqinda alaqidar da'irilerge kömür kanlarning bixeterlik ehwalini yaxshilash toghrisida buyruq chüshürüp uzun ötmey yüz berdi. Buningdin ilgiri, Uyghur aptonom rayonining fukang nahiyisidiki bir kénida yüz bergen gaz partlash weqeside 80 din artuq adem ölgen.

Xitay metbu'atlirining xewer qilishiche, jonggo kömür kan bixeterlik tekshürüsh idarisining bashliqi li yijong, yaturdiki weqe yüz bergen kanning igiliri we jawabkarliqi bar kishilerni kontrol qilish toghrisida buyruq chüshürgen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.