Байинбулақ яйлақлириниң бузулуши еғирлашмақта


2006.05.03

Нөвәттә уйғур елиниң байинғулин моңғул областидики байинбулақ яйлақлириниң бузулуши еғирлашқанлиқтин, бу йәрдики от-чөпләргә тайинидиған қой-калилар бу яйлақлардин елип чиқип кетилмәктә.

Тәңритағ хәвәр ториниң мәлум қилишичә, һазир байинбулақ яйлақлири көтүрәләйдиған чәктин ешип кәткән чарва маллири бир милйон туяқтин ашқан. Шу сәвәбтин йәрлик орунлар 3 йилниң ичидә байинбулақ яйлиқидики барлиқ чарва маллирини бу йәрдин елип чиқип кетишни пиланлимақта.

Байинбулақ яйлиқи қой, кала вә атларниң топ-топ отлап йүрүшидәк гүзәл көрүнүши билән нурғун кишиләрни өзигә җәлп қилип кәлгән иди. Әмма хәвәрдә мәлум қилинишичә, йеқиндин буян қурғақчилиқ вә отлақларни мувапиқ болмиған усулда ишлитиш қатарлиқ сәвәбләр түпәйлидин, яйлақ мәйдани кичикләп кәткән.

Байинғулин областлиқ хәлқ һөкүмитиниң мәлум қилишичә, бузулған яйлақ мәйдани 4 милйон модин ашқан. Бу, байинбулақ яйлиқиниң 65% ини тәшкил қилидикән. (Пәридә)

© 2006 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.