Bayinbulaq yaylaqlirining buzulushi éghirlashmaqta

Nöwette Uyghur élining bayin'ghulin mongghul oblastidiki bayinbulaq yaylaqlirining buzulushi éghirlashqanliqtin, bu yerdiki ot-chöplerge tayinidighan qoy-kalilar bu yaylaqlardin élip chiqip kétilmekte.

Tengritagh xewer torining melum qilishiche, hazir bayinbulaq yaylaqliri kötüreleydighan chektin éship ketken charwa malliri bir milyon tuyaqtin ashqan. Shu sewebtin yerlik orunlar 3 yilning ichide bayinbulaq yayliqidiki barliq charwa mallirini bu yerdin élip chiqip kétishni pilanlimaqta.

Bayinbulaq yayliqi qoy, kala we atlarning top-top otlap yürüshidek güzel körünüshi bilen nurghun kishilerni özige jelp qilip kelgen idi. Emma xewerde melum qilinishiche, yéqindin buyan qurghaqchiliq we otlaqlarni muwapiq bolmighan usulda ishlitish qatarliq sewebler tüpeylidin, yaylaq meydani kichiklep ketken.

Bayin'ghulin oblastliq xelq hökümitining melum qilishiche, buzulghan yaylaq meydani 4 milyon modin ashqan. Bu, bayinbulaq yayliqining 65% ini teshkil qilidiken. (Peride)