Уйғур илидин йәнә зор миқдарда минерал маддилар байқалди


2007-03-01
Share

Метал информатсийә мәркизиниң 28 - феврал бәргән мәлуматиға асасланғанда, 2006 йили хитайда 165 җайда йеңидин минерал маддилар байқалған. Буларниң ичидә, уйғур елиниң улуғчат районидин 2. 22 Милйон тонна қоғушун вә синк байқалған.

Тибәттин баш тема қилған бир ториниң хәвиригә қариғанда, хитай геологийә қидирип тәкшүрүш җәмийси уйғур районини коинлун тағ тизмисиниң җәнуби етикидин вә ғәрби тибәт-кокнур (чиңхәй) етикидин 760 тонна есил сүпәтлик томур рудиси тапқан.

Уйғур илидин байқалған қиммәт баһалиқ минерал маддилар интайин коп. Ана юрт-алтун дияр дегән китабтики учурларға асасланғанда хитайдин тепилған кан мәһсулатлири 148 хил болуп, буларниң 118хили уйғур илидин чиқидикән.

1950 - Йилларда хитай, уйғур елиниң, или вә қәшқәр районлиридин байқиған зор миқдардики уран записи, алтай тағлиридин байқалған алтун запаслири алаһидә көзгә челиқиду. Ғулҗиниң күнәс наһийисидики 173- вә 134- номурлуқ биңтуән қармиқидики уран айриш завути хитай бойичә әң чоң болуп, хитай ядро қораллириниң вә атом енергийә риякторлириниң хам әшялири мушу завутларда қоюлдурулидикән.

Униңдин башқа йәнә, уйғур елидә һәр йили тавлинип тошулидиған алтун 4. 2 Тонна әтрапида болуп, мөлчәрлиниш уйғур елидә 500 тонна алтун записи бар икән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт