Uyghur ilidin yene zor miqdarda minéral maddilar bayqaldi

Métal informatsiye merkizining 28 - féwral bergen melumatigha asaslan'ghanda, 2006 yili xitayda 165 jayda yéngidin minéral maddilar bayqalghan. Bularning ichide, Uyghur élining ulughchat rayonidin 2. 22 Milyon tonna qoghushun we sink bayqalghan.

Tibettin bash téma qilghan bir torining xewirige qarighanda, xitay gé'ologiye qidirip tekshürüsh jem'iysi Uyghur rayonini ko'inlun tagh tizmisining jenubi étikidin we gherbi tibet-koknur (chingxey) étikidin 760 tonna ésil süpetlik tomur rudisi tapqan.

Uyghur ilidin bayqalghan qimmet bahaliq minéral maddilar intayin kop. Ana yurt-altun diyar dégen kitabtiki uchurlargha asaslan'ghanda xitaydin tépilghan kan mehsulatliri 148 xil bolup, bularning 118xili Uyghur ilidin chiqidiken.

1950 - Yillarda xitay, Uyghur élining, ili we qeshqer rayonliridin bayqighan zor miqdardiki uran zapisi, altay taghliridin bayqalghan altun zapasliri alahide közge chéliqidu. Ghuljining künes nahiyisidiki 173- we 134- nomurluq bingtu'en qarmiqidiki uran ayrish zawuti xitay boyiche eng chong bolup, xitay yadro qorallirining we atom énérgiye riyaktorlirining xam eshyaliri mushu zawutlarda qoyuldurulidiken.

Uningdin bashqa yene, Uyghur élide her yili tawlinip toshulidighan altun 4. 2 Tonna etrapida bolup, mölcherlinish Uyghur élide 500 tonna altun zapisi bar iken. (Jüme)