Уйғур диярида йәр асти байлиқлири үзлүксиз байқалмақта


2007-03-29
Share

Хитай ахбарат вастилириниң пәйшәнбә күни елан қилған хәвәрлиридин ашкарилинишичә, уйғур елиниң көктоқай наһийисидики канлардин қезилған қоғушун вә синик миқдари 400 миң тонниға йетип, сетиш кирими 500 милйон йүәнгә йәткән.

Хәвәрдә йәнә, келәр йиллиқ мәһсулат ишләпчиқириш миқдари өлчәмгә йәткүзүлгәндин кейин, бир милйон 500 миң тонна кан қезиш көлими шәкиллинидиғанлиқи, сетиш кирими бир милярд 500 милйон йүәнгә йетидиғанлиқи билдүрүлгән.

Тәңритағ тор бети, көктоқай наһийисидә байқалған мәдән байлиқлиридин сөйүнгән уйғур елиниң әмәлдари ваң лечүәнниң сөзини нәқил кәлтүрүп мундақ деди: "нефит, тәбиий газ, көмүр вә рәңлик метал қатарлиқлар аптоном районимизниң әң гәвдилик әвзәл байлиқлири, ғайәт зор ечиш истиқбалиға игә. Аптоном районимиз байлиқ әвзәлликини иқтисадий үстүнлүккә айландуруш истратегийисини қәтий тәврәнмәй йолға қоюп, районимизни байлиқлар базиси қилип қуримиз".

Гәрчә уйғур елиниң байлиқ әвзәлликини иқтисадий үстүнлүккә айландуруш вә бу арқилиқ райондики хәлқниң турмушини яхшилаш тәшвиқатлири изчил түрдә елип бериливатқан болсиму, әмма чәтәлләрдә паалийәт елип бериватқан уйғур тәшкилатлири, уйғурларниң хитай бойичә әң төвән турмуш сәвийисидә яшаватқанлиқини тәкитлимәктә. Болупму улар мәзкүр земиндин чиққан йәр асти байлиқлириниң бир пирсәнтиниңму йәрлик уйғур хәлқи үчүн ишлитилмәйдиғанлиқини билдүрмәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт