Uyghur diyarida yer asti bayliqliri üzlüksiz bayqalmaqta


2007.03.29

Xitay axbarat wastilirining peyshenbe küni élan qilghan xewerliridin ashkarilinishiche, Uyghur élining köktoqay nahiyisidiki kanlardin qézilghan qoghushun we sinik miqdari 400 ming tonnigha yétip, sétish kirimi 500 milyon yüen'ge yetken.

Xewerde yene, kéler yilliq mehsulat ishlepchiqirish miqdari ölchemge yetküzülgendin kéyin, bir milyon 500 ming tonna kan qézish kölimi shekillinidighanliqi, sétish kirimi bir milyard 500 milyon yü'en'ge yétidighanliqi bildürülgen.

Tengritagh tor béti, köktoqay nahiyiside bayqalghan meden bayliqliridin söyün'gen Uyghur élining emeldari wang léchüenning sözini neqil keltürüp mundaq dédi: "néfit, tebi'iy gaz, kömür we renglik métal qatarliqlar aptonom rayonimizning eng gewdilik ewzel bayliqliri, ghayet zor échish istiqbaligha ige. Aptonom rayonimiz bayliq ewzellikini iqtisadiy üstünlükke aylandurush istratégiyisini qet'iy tewrenmey yolgha qoyup, rayonimizni bayliqlar bazisi qilip qurimiz".

Gerche Uyghur élining bayliq ewzellikini iqtisadiy üstünlükke aylandurush we bu arqiliq rayondiki xelqning turmushini yaxshilash teshwiqatliri izchil türde élip bériliwatqan bolsimu, emma chet'ellerde pa'aliyet élip bériwatqan Uyghur teshkilatliri, Uyghurlarning xitay boyiche eng töwen turmush sewiyiside yashawatqanliqini tekitlimekte. Bolupmu ular mezkür zémindin chiqqan yer asti bayliqlirining bir pirsentiningmu yerlik Uyghur xelqi üchün ishlitilmeydighanliqini bildürmekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.