Xitay Uyghur élide térrorchiliqqa qarshi chéniqish bazisi qurdi

Xitay xewer torining melumatigha qarighanda, yéqinda shinjang qoralliq saqchi qisim bash etritining térrorchiliqqa qarshi chéniqish bazisi Uyghur élide qurulghan.

Xewerde " bu bazining qurulishi, xitayning térrorluq weqesi köp yüz béridighan bu rayonidiki tuyuqsiz hujum qilish wezipisini qoralliq saqchi qismigha tapshurup bergenlikidin dérek béridu" dep yézilghan.

Munasiwetlik rehberlerning mezkür agéntliqqa bildürishiche, bu bazida asasliqi térrorchiliqqa qarshi herbiy chéniqturush élip bérish, térrorluq heriketlerni tetqiq qilish we pütün qisimning térrorchilar bilen urush qilish iqtidarini yuqiri kötirish qatarliq türlük pa'aliyetler élip bérilidiken.

Xitay 11 - séntebir weqesidin kéyin, Uyghur musteqilchilirini térrorchilar bilen baghlashqa urun'ghan bolup, xelq'aradiki nurghun kishilik hoquq teshkilatliri we pa'aliyetchiler buninggha qarshi chiqip, xitayning esli bu bahane bilen Uyghurlarni basturush herikitini heqleshtürüshni meqset qilghanliqini tekitlidi. Shundaqla amérika prézidénti jorj W bushmu ilgiri xitaygha, xelq'ara térrorchiliqqa qarshi urushtin paydilinip, az sanliq milletlerni basturmasliqni agahlandurghan idi. (Peride)