Xitay néfitligi Uyghur élide néfit-ximiye chong bazisi qurmaqchi


2005.09.15
Share on WhatsApp
Share on WhatsApp

Xitayning eng chong néfit we tebi'iy gaz guruhi 27 milyard yu'en meblegh bilen Uyghur élide, ottura asiya rayoni boyiche eng chong néfit-ximiye bazisi qurmaqchi. Xitay néfitligi bu türge yene 8 chet'el shirkitinimu qoshiwalidiken.

"Shangxey sherq etigenlik géziti" ning xewer qilishiche, xitay néfitligining chet'el shirketliri bilen birliship Uyghur élide quridighan bu néfit ximiye bazisi 2008 - yili resmiy pütüp bolmaqchi hemde bu orun yiligha 5 yérim milyon tonna néfit we 1 milyon 8 yüz ming tonna ximiye-sana'et mehsulatini ishlepchiqirishdighan bolup, buningdin yiligha 30 milyard yu'en kirim qilghili bolidiken.

Xewerde körsitilishiche, bu néfit-ximiye bazisi, xitayning qazaqistan bilen bolghan néfit istratégiye hemkarliqining muhim bir qismi bolup, qazaqistandin gaz turubiliri arqiliq kirgen néfit aldi bilen bu bazida pishshiqlap ishlinip, andin xitayning ichkiri ölkilirige ewetilidiken.

Xitay néfit-ximiye sana'iti we sétish mulazimet shirkitining dériktori sün li, xitayning chet'el shirketliri bilen birliship élip baridighan bu türning, Uyghur élining néfit-ximiye türini tereqqiy qildurushigha paydiliq bolidighanliqini éytti.

Emma Uyghur éli we chet'ellerdiki bir qisim ziyaliylar, xitayning gherbni échish siyasiti we néfit qidirish xizmetlirining yerlik xelqlerge héchqandaq payda yetküzmeydighanliqini, buningdin yenila xitaylarning zor menpe'etke érishidighanliqini bildürmekte. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet