Xitay dunya sehiye teshkilatining Uyghur élige bérish telipige jawab bermidi


2005.07.20
Share on WhatsApp
Share on WhatsApp

Dunya sehiye teshkilatining charshenbe küni melum qilishiche, xitay hökümiti mezkur teshkilatning qush zukimi bayqalghan Uyghur élige bérish teliwige jawab qayturmighan.

Dunya sehiye teshkilatining béyjingdiki ishxanisining bayanatchisi roy wadiyaning bildürishiche, hökümet ularning Uyghur élige bérish teliwini jawabsiz qaldurupla qalmastin yene, ulargha qush zukimi sewebidin ölgen yawayi qushlargha a'it sanliq melumatlarni jiddiy yetküzüsh chaqiriqighimu inkas qayturghili unimighan.

Wadiya sözide yene, xitayning chet'el chaqiriqigha jawab bermey turuwilishining mes'uliyetsizlik ikenlikini eyiblep, qush zukimining dawamliq tarqilishigha bolghan endishisini ipadilidi hemde xitaydiki bu qush zukimining pesillik köchidighan qushlar arqiliq jenubiy asiyagha hetta awstraliye we yawropaghiche tarqilish éhtimalliqining barliqini eskertti.

Uyghur élidiki qush zukimi késili bu yil 3 - ayda xitayning bu yerdiki ishlepchiqirish qurulush armiyisining déhqanchiliq -12déwiziyiside bayqalghan bolup, shu seweptin bu yerdiki nechche ming toxular öltürülgen hemde bu rayon yigirme nechche kün'giche bashqa jaylardin ayriwitilgen idi. Emma xitay hökümiti uzun ötmeyla, bu rayonda mezkür késellikning yaxshi kontrol qiliwélin'ghanlighini jakarlap, ayrip tekshurush charisini bikar qildi.

Dunya sehiye teshkilatining melum qilishiche, bu késel insanlarghimu yuqidiken. Hetta asiyada 2003 - yilidin bashlap hazirghiche bolghan mezgilde yigirme nechche kishi bu késel sewebidin ölgen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.