B d t kishilik hoquq mes'uli xitayni ziyaret qilmaqchi

Birleshken döletler teshkilatining kishilik hoquq komissari lu'is arbor xanim yéqinda xitaygha 5 künlük ziyaretke barmaqchi. Xitay bu organ teripidin izchil türde, metbu'atni qattiq kontrol qilghan hemde tibet we Uyghur rayonigha qattiq qol siyaset yürgüzgen dep eyiblinip kelgen idi.

Roytérs agéntliqining xewirige qarighanda, kishilik hoquq komissari lu'is arbor xanim xitaydiki 29 -awghusttin 2 - séntebirgiche bolghan 5 künlük ziyaritide, xitay dölet re'isi xu jintaw, xitay tashqi ishlar minisitiri, edliye ministiri qatarliq bir qanche yuqiri derijilik xitay emeldarliri hemde bir qanche hökümetsiz teshkilat wekilliri bilen körishidiken.

Lu'is arbur xanim xitaydiki sepiride yene, xitay hökümitini, " puqralarning hoquqi we siyasiy hoquqini qoghdash xelq'ara shertnamisi" ge qol qoyghuzmaqchi. Bu elwette xitay hökümitining, b d t otturigha qoyghan telep-pikirlerge waqtida emel qilishigha paydiliq bolidu.

Lu'is xanimdin burun b d t ning sabiq kishilik hoquq komissari mari robinson xanimmu 2002 - yili xitaygha ziyaretke bérip, xitayning yuqiri derijilik rehberliri bilen körüshken hemde xitay hökümitini Uyghur we tibetlerning kishilik hoquqini yaxshilashqa we siyasiy jinayetchilerni qoyup bérishke ündigen idi. Uning sepiri, lu'is xanimning bu qétimliq ziyaritide xitay da'iriliri bilen basturush, ziyankeshlik qilish we kishilik hoquq depsendichilikliri heqqide ilgiriligen halda söhbetlishishige yaxshi asas sélip berdi. (Peride)