Б д т вәкилләр өмики уйғур елини зиярәт қилди


2007-07-29
Share

Бирләшкән дөләтләр тәшкилати сода вә тәрәққият комитетиниң бир вәкилләр өмики 28- июл күни уйғур елини зиярәт қилип, аптоном районниң хитай миллитидин болған муавин рәиси ху вей билән учрашқан.

Хитайниң шинхуа агентлиқиниң ашкарилишичә, б д т сода-тәрәққият комитетиниң мәбләғ селиш вә карханиларни раваҗландуруш бөлүминиң башлиқи хәлил әхмәд һамдани башчилиқидики мәзкур вәкилләр өмики уйғур елиниң сода ишлири вә мәбләғ селиниш әһваллирини көздин кәчүрүшни мәқсәт қилған болуп, хитай әмәлдари ху вей хамданиға уйғур аптоном райониниң иқтисадий тәрәққиятта қолға кәлтүргән нәтиҗилирини тонуштуруш билән биргә һамданиниң уйғур аптоном районида тәкшүрүш елип бериш арқилиқ "шинҗаңни чүшинип, шинҗаңниң иқтисадий тәрәққиятиға ярдәм бериш вә йол көрситишни" үмид қилидиғанлиқини билдүргән. Һамаданиму уйғур елиға техиму көп мәбләғ җәлип қилип, уйғур елидики ширкәтләр вә чегра һалқиған карханиларниң һәмкарлиқлириға ярдәм беридиғанлиқини билдүргән.

Йеқинқи йиллардин буян б д т ниң кишилик һоқуқ оргини , түрмиләрдә тән җазаси беришни тәкшүрүш оргини, мусапирлар идариси шуниңдәк мәдәнийәт вә мирасларни қоғдаш саһәси уйғур елиниң әһвалиға йеқиндин көңүл бөлмәктә. Буниңда уйғурларниң хәлқарада елип бериватқан паалийәтлириниңму бәлгилик рол ойниғанлиқи билдүрүлмәктә. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт