B d t wekiller ömiki Uyghur élini ziyaret qildi

Birleshken döletler teshkilati soda we tereqqiyat komitétining bir wekiller ömiki 28- iyul küni Uyghur élini ziyaret qilip, aptonom rayonning xitay millitidin bolghan mu'awin re'isi xu wéy bilen uchrashqan.

Xitayning shinxu'a agéntliqining ashkarilishiche, b d t soda-tereqqiyat komitétining meblegh sélish we karxanilarni rawajlandurush bölümining bashliqi xelil exmed hamdani bashchiliqidiki mezkur wekiller ömiki Uyghur élining soda ishliri we meblegh sélinish ehwallirini közdin kechürüshni meqset qilghan bolup, xitay emeldari xu wéy xamdanigha Uyghur aptonom rayonining iqtisadiy tereqqiyatta qolgha keltürgen netijilirini tonushturush bilen birge hamdanining Uyghur aptonom rayonida tekshürüsh élip bérish arqiliq "shinjangni chüshinip, shinjangning iqtisadiy tereqqiyatigha yardem bérish we yol körsitishni" ümid qilidighanliqini bildürgen. Hamadanimu Uyghur éligha téximu köp meblegh jelip qilip, Uyghur élidiki shirketler we chégra halqighan karxanilarning hemkarliqlirigha yardem béridighanliqini bildürgen.

Yéqinqi yillardin buyan b d t ning kishilik hoquq orgini , türmilerde ten jazasi bérishni tekshürüsh orgini, musapirlar idarisi shuningdek medeniyet we miraslarni qoghdash sahesi Uyghur élining ehwaligha yéqindin köngül bölmekte. Buningda Uyghurlarning xelq'arada élip bériwatqan pa'aliyetliriningmu belgilik rol oynighanliqi bildürülmekte. (Ümidwar)