Хитай уйғур илидә маарипни хитайчилаштуруш қәдимини изчил күчәйтмәктә


2008.01.15

Хитай даирилири, уйғур илиниң оқутуш хизмәтлиригә ярдәм бериш қошунини бултурқи билән тәң нисбәттә елип бериш билән биргә бу хизмәтни изчил давамлаштурушни қарар қилмақта.

Хитай , уйғур илиниң җәнубидики қәшқәр , хотән қатарлиқ вилайәтләрниң тәбиий муһити начар, иқтисади арқида , оқутқучилар күчи аҗиз дейиш арқилиқ , мәзкүр районға көпләп хитай оқутқучилирини йөткәп маарипни хитайчилаштуруш сүритини техиму күчәйтмәктә .

Хитай ахбарат вастилириниң бу һәқтә бәргән хәвәрлиридин ашкарилинишичә, өткән йили пәқәт қәшқәр районидила 84 оттура ‏-башланғуч мәктәптә оқутушқа ярдәм бериш дегән шуар астида уйғур пәрзәнтлириниң пүтүнләй хитай тил билән тәрбийилиниши үчүн алаһидә күч сәрп қилғанлиқи тилға илинған , бирақ сөздә наһайити чирайлиқ аңлинидиған " намрат районларниң оқутуш ишлириға ярдәм бериш " сиясити, уйғурларниң қаттиқ наразилиқини қозғаватқан интайин муһим бир мәсилигә айланди.

Чәтәлләрдә уйғурларниң сиясий һоқуқи үчүн күрәш қиливатқан тәшкилатлар, нөвәттә хитай һөкүмити йолға қоюватқан " қош тиллиқ маарип сиясити" ни уйғур миллитиниң маарипини вә мәдәнйитини йоқ қилиш мәқсидини ишқа ашуруштин ибарәт дәп көрситип , бүгүнки дуняда бундақ еғир миллий зулумниң аз учрайдиғанлиқини , шуңа хәлқара тәшкилатларниң бу мәсилигә йеқиндин көңүл бөлүшини тәләп қилмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.