Xitay Uyghur ilide ma'aripni xitaychilashturush qedimini izchil kücheytmekte


2008-01-15
Share

Xitay da'iriliri, Uyghur ilining oqutush xizmetlirige yardem bérish qoshunini bulturqi bilen teng nisbette élip bérish bilen birge bu xizmetni izchil dawamlashturushni qarar qilmaqta.

Xitay , Uyghur ilining jenubidiki qeshqer , xoten qatarliq wilayetlerning tebi'iy muhiti nachar, iqtisadi arqida , oqutquchilar küchi ajiz déyish arqiliq , mezkür rayon'gha köplep xitay oqutquchilirini yötkep ma'aripni xitaychilashturush sür'itini téximu kücheytmekte .

Xitay axbarat wastilirining bu heqte bergen xewerliridin ashkarilinishiche, ötken yili peqet qeshqer rayonidila 84 ottura ‏-bashlan'ghuch mektepte oqutushqa yardem bérish dégen shu'ar astida Uyghur perzentlirining pütünley xitay til bilen terbiyilinishi üchün alahide küch serp qilghanliqi tilgha ilin'ghan , biraq sözde nahayiti chirayliq anglinidighan " namrat rayonlarning oqutush ishlirigha yardem bérish " siyasiti, Uyghurlarning qattiq naraziliqini qozghawatqan intayin muhim bir mesilige aylandi.

Chet'ellerde Uyghurlarning siyasiy hoquqi üchün küresh qiliwatqan teshkilatlar, nöwette xitay hökümiti yolgha qoyuwatqan " qosh tilliq ma'arip siyasiti" ni Uyghur millitining ma'aripini we medenyitini yoq qilish meqsidini ishqa ashurushtin ibaret dep körsitip , bügünki dunyada bundaq éghir milliy zulumning az uchraydighanliqini , shunga xelq'ara teshkilatlarning bu mesilige yéqindin köngül bölüshini telep qilmaqta.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet