Wang léchüen : Uyghur élida qosh til ma'aripini qilche tewrenmey yolgha qoyush kérek


2008-01-17
Share

Xitay hökümitining Uyghur élige teyinligen emeldari wang léchüen , aptonum rayonluq 11 ‏- nöwetlik xelq qurultiyi 1 ‏- yighinida ixtisasliqlar arqiliq aptonum rayonni qudret tapquzush istratégiyisini yolgha qoyushni telep qildi.

Xewerlerdin melum bolushiche, wang léchüen ": nöwette , shinjang islahat échiwétishning achquchluq peytide turiwatidu, hazirqi jiddi hel qilishqa tégishlik mesile- ixtisasliqlarni terbiyilesh salmiqini ashurush, buning üchün balilardin oqutquchilardin bashlap tutushta ching turush" qosh til" ma'aripi qurulushini qet'iy tewrenmey ilgiri sürüp, her millet ammisining uniwérsal sapasini tüptin östürüsh kérek" dégen .

Biraq , wangléchüen tilgha alghan " qosh til " ma'aripining, Uyghur tili bilen xitay tilini birlikte élip bérish bolmastin, belki xitay bolmighan millet perzentlirini noqul halda xitay tili ma'aripi boyiche terbiyilesh meqsitining, nurghun siyasiy amillarni öz ichige alghanliqini tekitligen dunya Uyghur qurultiyining bash katipi dolqun eysa ependi mundaq deydu": “Qosh til ” dégen bu atalghu eslide ikki tilni teng yolgha qoyush dégen menini bildüridu, lékin wang léchüen tekitlewatqan qosh til , yalghuz xitay tili bolup, bu chong xitay milletchilikini terghip qilish, xitay bolmighan milletlerning hemmisini xitayche sözleydighan jongxu'a milliti katégoriyisige kirgüzüsh, shundaqla xitayning asmilatsiye qilip yoqutush siyasitini ijra qilishtin ibaret"

Wang léchüen yene, siyasiy pa'aliyet élip bériwatqan Uyghur teshkilatliri eng qattiq narazliq bildürüp kéliwatqan , Uyghur élining bayliqini échish mesilisini tekitlep, xitay ölkiliridiki chong guruhlarni shinjangni échishqa jelp qilish, bayliqlarni échish kölimi we derijisini östürüshni otturigha qoydi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet