Қурбан әршидин биңтуәнни қораллиқ көрәшкә тәйяр турушқа чақирди


2004-10-15
Share

Уйғур аптоном районидики йерим һәрбий хитай қораллиқ тәшкилати шнҗаң ишләпчиқиш - қурулуш армийисиниң муавин қомандани қурбан әршидин, биңтуән даиририлирини биңтуәндики қораллиқ күчләрниң һәрбий сапасини юқири көтүрүп, терорчилиққа қарши чегра бихәтәрликини қоғдаш, һәрбий күрәшкә тәйяр турушқа чақирди. У биңтуәндики қораллиқ күчләрни бөлгүнчиликкә, сиңип киришкә вә терорчилиққа қарши күрәшниң әң алдинқи сепидә туриватиду, дәп тәриплигән. Қурбан әршидин бу сөзләрни пәйшәнбә күни үрүмчидә чақирилған хитай бойичә мәмликәтлик хәлқ әскәрлири һәрбий тәлим- тәрбийә йиғининиң роһини йәткүзүш учришишида тәкитлигән. Қурбан әршидин йәнә биңтуәндики һәрбий тәлим - тәрбийини изчил мәркизи орунға қоюш кирәк, дәп көрсәткән.

Ишләпчиқириш - қурулуш биңтуәни 1975 - йили тарқитиветилгән иди. Бирақ 1981 - йили дең шавпиң, ваң җен қатарлиқ хитай компартийиси ичидики қаттиқ қол әмәлдарларниң тәлипи бойичә қайта қурулған. Йеқинда биңтуән қомандани җаң чиңли, биңтуәнниң шәрқий түркистан күчлири билән болған йеқинқи күрәшләрдә муһим рол ойнаватқанлиқини тәкитлигән иди. Хитай баш министири вен җябав уйғур илини зиярәт қилғанда биңтуән юқириқи сәвәпләр түпәйлидин күчәйтилиши керәк дәп қарайдиғанлиқини илгири сүргән. Хитай һөкүмити шәрқий түркистан мустәқиллиқ күриши елип бериватқан тәшкилатларни терорчилиқ билән әйиплимәктә. Хәлқара кишилик һоқуқ органлири болса хитай һөкүмитини терорчилиққа қарши турушни баһанә қилип, уйғурларниң кишилик һоқуқини аяқ асти қилиш билән тәнқитлигән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт