Qurban ershidin bingtu'enni qoralliq köreshke teyyar turushqa chaqirdi


2004-10-15
Share

Uyghur aptonom rayonidiki yérim herbiy xitay qoralliq teshkilati shnjang ishlepchiqish - qurulush armiyisining mu'awin qomandani qurban ershidin, bingtu'en da'iririlirini bingtu'endiki qoralliq küchlerning herbiy sapasini yuqiri kötürüp, térorchiliqqa qarshi chégra bixeterlikini qoghdash, herbiy küreshke teyyar turushqa chaqirdi. U bingtu'endiki qoralliq küchlerni bölgünchilikke, singip kirishke we térorchiliqqa qarshi küreshning eng aldinqi sépide turiwatidu, dep teripligen. Qurban ershidin bu sözlerni peyshenbe küni ürümchide chaqirilghan xitay boyiche memliketlik xelq eskerliri herbiy telim- terbiye yighinining rohini yetküzüsh uchrishishida tekitligen. Qurban ershidin yene bingtu'endiki herbiy telim - terbiyini izchil merkizi orun'gha qoyush kirek, dep körsetken.

Ishlepchiqirish - qurulush bingtu'eni 1975 - yili tarqitiwétilgen idi. Biraq 1981 - yili déng shawping, wang jén qatarliq xitay kompartiyisi ichidiki qattiq qol emeldarlarning telipi boyiche qayta qurulghan. Yéqinda bingtu'en qomandani jang chingli, bingtu'enning sherqiy türkistan küchliri bilen bolghan yéqinqi küreshlerde muhim rol oynawatqanliqini tekitligen idi. Xitay bash ministiri wén jyabaw Uyghur ilini ziyaret qilghanda bingtu'en yuqiriqi sewepler tüpeylidin kücheytilishi kérek dep qaraydighanliqini ilgiri sürgen. Xitay hökümiti sherqiy türkistan musteqilliq kürishi élip bériwatqan teshkilatlarni térorchiliq bilen eyiplimekte. Xelq'ara kishilik hoquq organliri bolsa xitay hökümitini térorchiliqqa qarshi turushni bahane qilip, Uyghurlarning kishilik hoquqini ayaq asti qilish bilen tenqitligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet