Boks musabiqiside, Uyghur bokschiliri üstünlükni igilidi

Ikkinchi nöwetlik xitay xelq'ara boks musabiqisi, ürümchi qizil tagh tenterbiye sariyida ötküzülüp, Uyghur éli mahirliridin nijat, ekrem, abduraxman, memet tursunlar riqabetchilirini yengdi.

Xewerlerdin melum bolishiche, mezkür musabiqige xitay, mongghuliye, rusiye qatarliq 8 dölettin 15 kamandining wekilliri qatnashqan.

26 - Séntebir küni ötküzilgen teyyarliq musabiqiside, Uyghur élining mahiri nijat, 91 kiloliqlardin töwen derijilikler boyiche musabiqige qatniship, shenshilik bukschi biyéni, ekrem 64 kiloluqlar boyiche mongghuliye boks mahiri nuyamuni, memet tursun 60 kiloluqlar boyiche wétnam mahiri gu'endéni yenggen.

Yéngila olimpik musabiqisigha qatnashqan abduraxman, gu'angdong kamandisining bokschisi ju yaféng bilen küch éliship, 20 de 12 netije bilen üstünlükni igilgen.

Bu qétimqi musabiqining altun longqisini talishish türi, 30 - séntebir küni ötküzilidu.(Eqide)