Ösmür bokschilar asiya ösmürler boks lewhe talishish musabiqisigha qatnashti

Memet tursun chong , xalijan iminjan, abdunebiy ablet, abduréshid turaxun qatarliq ösmür bokischilar, yéqinda wéytnam paytexti xanuyda ötküzülgen asiya ösmürler boks lewhe talishish musabiqisigha qatniship, 60 we 75 kilogramliqlar boyiche 2 -, 3 - likke, 48 we 54 kilogramliqlar boyiche 5 likke érishken. Bolupmu memet tursun chongning tunji qétim qatnashqan xelq'ara musabiqida reqibini yéngip, kümüsh midalgha érishishi Uyghur bokschiliqining parlaq yoshurun küchke igilikidin direk béridu, dep qaralghan.

Bu qétimqi musabiqige asiydiki 17 dölet we rayondin kelgen 105 neper ösmür ishtirak qilghan idi. " Shinjang tengri tagh tori" ning xewer qilishiche, ösmür bokschilar qeshqer, ili, altay qatarliq jaylardin Uyghur aptonom rayonluq boks komandisigha tallan'ghan. Ular asiya ösmürler boks lewhe talishish musabiqisida xitaygha wakaleten qatnashti.

Bokschilarning ichidiki memet tursun chong aptonom rayonluq boks komandisigha qélip, 2008 -yilliq béyjing olimpik tenheriket musabiqisigha teyyarliq qilidiken.(Erkin)