Uyghur élidiki boks mahirliri qazaqistanda ikki ayliq meshiqqe qatnashmaqchi

2004-12-21
Élxet
Pikir
Share
Print

Uyghur élidiki boks komandisi, xitayning kéler yilliq boks musabiqisige qatniship yaxshi netijige érishish üchün, qazaqistanda ikki ayliq meshiq élip bérishni qarar qilip, bir qanche kün ilgiri qazaqistan'gha qarap yolgha chiqqan.

Tengri tagh torining bu heqte bergen xewirige qarighanda, mezkur komandining asasliq mahirliri, bash térinir ablikim abduréshit, térinir abdushukür méjitlerning yétekchilikide qazaqistanda ikki ayliq meshiq élip baridiken.

Xewerde, bu qétimqi qazaqistandiki meshiq we musabiqige ablikim we abdushukurning yétekchiligide abduraxman ablikim, qanat islam, ekrem is'haq, ekrem barat, abdurusul rozi, teliwqan qatarliq mahirlarning qatnishidighanliqi bildürülgen.

Boks tenherkiti, küch we maharet telep qilidighan yuqiri sewiyilik tenheriket türi bolup, Uyghur élidiki musabiqilerde hemde xitayning döletlik musabiqliride uda bir nechche qétim Uyghur we qazaq mahirlar altun médalgha érishken.

Qazaqistan boks tenherikitide dunyawi aldinqi qatardiki sewiyide bolup, bu qétimqi meshiqte Uyghur éli mahirliri taktika we musabiqe tejirbisini östürüp, xitayning döletlik musabiqiside téximu köp altun médal ilish ishenchisini turghuzishi mumkin. (Arzu)

Pikirler (0)
Share
Toluq bet