Uyghur élide binormal bowaqlarning tughulush nisbiti pewqul'adde yuqurilighan

Uyghur éli xewer toridin ashkarilinishiche, Uyghur élida toy xéti bérishtin burunqi salametlik tekshürüsh nizami 2003 - yili bikar qilin'ghandin kéyin özlikidin salametlik tekshürürtidighanlar asasen qalmighan, shundaqla statistikilardin, bu nizam bikar qilin'ghandin buyan binormal bowaqlarning tughulush nisbiti alahide yuqiri bolmaqta iken.

Mezkur ehwalgha asasen ürümchi sheherlik ayallar birleshmisi hökümetke toydin burun mejburi salametlik tekshürüshni eslige keltürüsh heqqide iltimas sun'ghan.

Ürümchi ayallar birleshmisining körsitishiche, bu yil binormal bowaqlarning tughulush nisbiti on yildin buyanqi eng yuqiri bolghan bolup texminen 10 ming bowaqning 109 i binormal tughulghan.

Ilgirimu ili oblastining sehiye tarmaqliri, eydiz barghanche shiddet bilen yamrawatqan Uyghur élide toy qilmaqchi bolghan yashlarning mejburi salametlik tekshürüshni bikar qilishining namuwapiq bir qarar ikenlikini, eksinche hökümetning salametlik tekshürüsh ölchimini yenimu kücheytishi kéreklikini, buning eydizning yamrishi hem ewladlarning saqliqi bilen zich munasiwetlik ikenlikini körsetken idi. Uyghur élidiki bezi sehiye xadimlirining ashkarlishiche nöwette eydiz bowaqlar pewqul'adde köpeymekte iken. (Gülchéhre)