Хитай или вадисини пүтүн хитай бойичә боз йәр ачидиған нуқтилиқ район қилип бекитти

Или вадиси, хитай бойичә 6 нуқтилиқ боз йәр ечиш райониниң бири қилип бекитилгән.

Хитай хәвәр ториниң 2 ‏- март күни бәргән хәвиригә қариғанда, мәзкур пилан бойичә или вадисидики 7 наһийә билән ишләпчиқириш қурулуш армийисиниң йеза игилик 4 ‏- девизийисиниң мәйданлири боз йәр ечиш районлири қилип бекитилгән болуп, 109 милйон 650 миң мо йәр қайта ечилидикән.

Бу пилан, хитайниң дөләтлик йәр вә байлиқ министирлиқиниң тәлипигә асасән елип берилған болуп, көзәткүчиләр или вадисини асас қилип елип берилидиған мәзкур боз йәр ечиш қурулуши, бу диярда хитай һөкүмитиниң көчмән көпәйтиш сияситиниң изчиллишиватқанлиқиниң дәлил испати дәп билдүрмәктә.

Улар йәнә, 1949 ‏- йилидин бери, хитай һүкүмити уйғур аптоном районида боз йәр ечиш қурулушини йолға қойғандин бери, ишләпчиқириш қурулуш армийисиниң нурғун полклири или дәряси бойидики мунбәт земинларни игиләп , отлақ вә орманларни бузуп, боз йәр ечип, бу җайдики йәрлик уйғур , қазақ хәлқиниң иқтисадиға зор зиянларни кәлтүрүпла қалмастин , гүзәл или вадисиниң екологийилик муһитини бозғунчилиққа өчратти дәп тәкитлимәктә. (Әқидә)