Xitay hökümiti Uyghur élide yene 23 milyon mo boz yer achmaqchi


2007-01-28
Share

Shinxu'a agéntliqining -28 yanwardiki xewiridin ashkarilinige qarighanda, xitay hökümiti bu yildin bashlap Uyghur élide yene 23 milyon mo boz yer échishni pilanlighan. Xewerde éytilishiche échilmaqchi bolghan bu boz yer, xitayning mexsus yuqiri süpetlik ashliq ishlepchiqirish bazisi qilinmaqchi iken.

Xitayning bu boz yer échish pilanigha altay taghlirining étigidiki bir qisim binem jaylar, ili derya wadisi, bayin'ghulin aptonum oblastidiki bezi yaylaqlar, aqsuning 8 nahiyisi, altayning burchin nahiyisige tewe binemlik kirgüzülgen bolup, boz yer échish wezipisi asasen xitay ishlepchiqirish qurulush armiyisige ötküzüp bérilidiken.

Xitayning Uyghur élige qoyghan her qaysi ishlepchiqirish qurulush armiyisi diwiziyiliri shundaqla xitay hökümitining gherbni échish istratégiyisi boyiche achqan boz yerliri, uningdin bashqa köchmen xitaylarning Uyghur élining her qaysi jaylirida qanunsiz achqan boz yerlirimu intayin köp bolup, qalaymighan boz yer échish Uyghur élide türlük ékologiyilik buzulushlargha seweb bolghan idi. Emma xitay hökümiti yenila Uyghur élining échishqa bolidighan tupraq kölimi intayin keng dep körsetmekte.

Xitayning iqtisad gézitidin ashkarilinishiche, 2007 - yili xitay eng jiddi ashliq yétishmeslik mesilisige yüzliniwatqan bolup ashliq bahasi nahayiti téz kötürülmekte. Xitay hökümiti xitayda déhqanchiliq üchün paydilinidighan yerlerning qisqirishi hemde nopusning shiddet bilen éshishi seweblik kélip chiqiwatqan ashliq mesilisini hel qilish üchün, Uyghur élige oxshash yéri keng jaylarda boz yer échip ashliq ishlepchiqirishni kücheytishni otturgha qoyghan. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet