Ürümchide igiz imaretlerni sélish cheklendi


2007.01.21
Share on WhatsApp
Share on WhatsApp

Ürümchi yéqinqi yillardin béri xitay boyiche hawa muhiti eng éghir bulghan'ghan sheherlerning biri sanilip kelmekte. Bolupmu bu yil qish pesli kirgendin buyan ürümchi shehrining hawa muhiti bulghinish derijisi beshinchi derijini körsitip xitay boyiche hawa muhiti eng nachar sheher bolup qalghan idi.

Ürümchi hökümet tor bétining 21 - yanwardiki xewiridin melum bolushiche, ürümchi hawa muhitining éghir derijide bulghinishigha seweb bolghan muhim amilning biri igiz qewetlik binalarning köplüki bolghachqa, ürümchi hökümet buningdin kéyin ürümchi sheher ichige igiz qewetlik imaretlerni sélishni resmiy chekleshni qarar qilghan.

Ürümchi sheherlik muhit qoghdash idarisining chüshendürishige qarighanda, ürümchi sheher ichide yéqinqi yillardin béri arqa arqidin séliniwatqan heddidin ziyade igiz imaretler ürümchining eslidinla unche yaxshi bolmighan hawa muhitining téximu nacharlishishini keltürüp chiqiriwatqan bolup, imaret qurushni cheklesh xéli yillar burunla élishqa tégishlik tedbir iken.

Ürümchide qurulghan igiz imaretler sirttin kelgen sayahetchilerge ürümchining tereqqiyatining simwolidek körünsimu, emma ürümchidiki Uyghurlarning inkasigha qarighanda ürümchi sheher ichidiki igiz a'ililik binaliri yaki idare organ imaret binalirini asasliq xitaylar igiligen bolup, Uyghur we bashqa az sanliq milletler bu igiz imaretlerdin paydilinish hoquqighimu ige emes iken. Eksiche bular nurghun muhit mesililirining kélip chiqishigha seweb bolghan. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.