Үрүмчидики тәҗрибиханиларда булғиниш еғир


2004.12.29
Share on WhatsApp
Share on WhatsApp

Үрүмчи шәһәрлик муһит қоғдаш идарисиниң үрүмчидики дохтурхана, тәтқиқат орунлири вә тәкшүрүш понкитлиридин болуп 76 орунниң тәҗрибиханилири үстидин елип берилған тәкшүрүш нәтиҗисигә асасланғанда , бу тәҗрибиханиларниң керәксиз газ вә суларни бир тәрәп қилиши пүтүнләй лаяқәтсиз икән.

Шинҗаң гезитиниң хәвиридә көрситилишичә, бу тәҗрибиханиларда керәксиз газ вә булғанған суларни бир тәрәп қилидиған әслиһәләр йоқ болуп, тәҗрибә җәрянида келип чиққан барлиқ булғанған газлар бивастә һаваға қоюп берилидикән һәмдә булғанған зәһәрлик суларму адәттики керәксиз су турубилириға қуюлидикән.

Тәҗрибиханилардин чиққан керәксиз газ вә сулар кишиләрниң саламәтликигә еғир зиян болуп, керәксиз су турубилириға қоюп берилгән сулар қайта тазилинип, йәнила кишиләр тәрипидин истимал қилинидиған болғачқа, бу булғанған тәркипләр кишиләр бәдинигә киридикән.

Сәһийә өлчими бойичә, тәҗрибиханилардин чиққан зәһәрлик газ вә сулар айрим бир тәрәп қилинидиған болуп, уни һәргизму һаваға яки адәттики керәксиз су турубилириға қоюп беришкә болмайду. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.