Ürümchidiki tejribixanilarda bulghinish éghir


2004.12.29
Share on WhatsApp
Share on WhatsApp

Ürümchi sheherlik muhit qoghdash idarisining ürümchidiki doxturxana, tetqiqat orunliri we tekshürüsh ponkitliridin bolup 76 orunning tejribixaniliri üstidin élip bérilghan tekshürüsh netijisige asaslan'ghanda , bu tejribixanilarning kéreksiz gaz we sularni bir terep qilishi pütünley layaqetsiz iken.

Shinjang gézitining xewiride körsitilishiche, bu tejribixanilarda kéreksiz gaz we bulghan'ghan sularni bir terep qilidighan esliheler yoq bolup, tejribe jeryanida kélip chiqqan barliq bulghan'ghan gazlar biwaste hawagha qoyup bérilidiken hemde bulghan'ghan zeherlik sularmu adettiki kéreksiz su turubilirigha quyulidiken.

Tejribixanilardin chiqqan kéreksiz gaz we sular kishilerning salametlikige éghir ziyan bolup, kéreksiz su turubilirigha qoyup bérilgen sular qayta tazilinip, yenila kishiler teripidin istimal qilinidighan bolghachqa, bu bulghan'ghan terkipler kishiler bedinige kiridiken.

Sehiye ölchimi boyiche, tejribixanilardin chiqqan zeherlik gaz we sular ayrim bir terep qilinidighan bolup, uni hergizmu hawagha yaki adettiki kéreksiz su turubilirigha qoyup bérishke bolmaydu. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.