Xitayda yiligha 400 mingdin artuq kishi hawaning bulghinishi seweblik baldur ölüp kétidu
2005.10.25
Fransiye axbarat agéntliqining xitay muhitni asrash da'irilirining élan qilmighan bir tekshürüsh doklatidin igellishiche, xitayda yiligha 400 mingdin artuq kishi, hawa bulghinishi sewebidin baldur ölüp kétidu.
Fransiye agéntliqining xewirige qarighanda, bu tekshürüshni xitay döletlik muhit asrash idarisining tarmiqidiki bir akadémiye 2003 - yili élip barghan. Ular yiligha 300 ming ademning öyning sirtidiki hawa bulghinishidin, 100 mingdin artuq ademning öyning ichidiki hawa bulghinishidin kélip chiqqan öpke, yürek qatarliq her xil késelliklerdin ölüp kétidighanliqini bayqighan.
Döletlik muhit asrash idarisining bir xadimi, bu sanning intayin éhtiyatchanliq bilen otturigha qoyulghanliqini bildürüp, hawa bulghinishidin ölidighanlar sanining emeliyette buningdin köp bolushi mumkinlikini perez qilghan.
Xitay gerche hawaning bulghinishigha qarshi tedbir élishqa wede qiliwatqan bolsimu, emma xitaydiki hawa bulghinishining kishilerning salametlikige qandaq tesir körsitiwatqanliqi heqqidiki istatéstikilarni ashkarilimaydu.
Xewerde éytilishiche, xitay we chet'el mutexesisliri xitayning téz sana'etlishishining ékélogiyilik muhitqa éghir ziyan séliwatqanliqini bildürmekte hemde hawaning bulghinining kelgüsi 15 yil ichide hazirqidin besh hesse éghirlishidighanliqini perez qilishmaqta. (Arzu)
Munasiwetlik maqalilar
- Qazaqistandiki balqash köli tehditke uchrimaqta
- Gherbiy diyarning ékologiyilik muhiti iqtisadiy tereqqiyat éhtiyajini qanduralmaydu
- Ghezeplen'gen déhqanlar muhitqa ziyanliq bir zawutqa hujum qilghan
- Uyghur aptonom rayonida muhit mesilisi yildin yilgha éghirlashmaqtiken
- Xitay ajratqan muhit qoghdash xirajiti toluq ishlitilmigen
Köp körülgen xewerler
RFA
- Abduweli ayup: “Xitaygha bérip kéliwatqan Uyghurlarning köpiyishi jiddiy mesile!”
- Turpan karizliri: Uyghurlardin ayrip, xitay shirketlirining paydisigha yüzlendürülüwatqan karizlar
- Hamutxan köktürk: xitayning puli bilen xitayning méhmani bolup weten'ge barghanlar sherqiy türkistan dewasigha xiyanet qilghan bolidu
- “Uyghur” namini özgertish némige zörür bolup qaldi?
- Kikbokschi abdusemet tewekkül: “Nishanim dunya chémpiyoni bolup, sherqiy türkistanni dunyagha tonutushtur”