Үрүмчидики һаваниң булғиниш дәриҗиси техиму еғирлашмақта


2006.12.12
Share on WhatsApp
Share on WhatsApp

Хитай даирлириниң үрүмчидин бәргән хәвиридин мәлум болушичә, бу йил 11 ‏- айниң ахиридин башлап, үрүмчи шәһирини йәнә бир қетим қаттиқ туман қаплиған болуп, һава болғиниш дәриҗиси техиму бәк еғирлашқан, бу хил еғир дәриҗилик булғиниш һалити уда 4 күн давамлашқан.

Үрүмчи шәһәрлик муһитни қоғдаш идарисидики бир мутәхәссис үрүмчиниң алаһидә җуғрапийилик орни вә һаварайини тәкитләп, өзлириниң бу хил булғинишниң алдини елишта, амалсиз қеливатқанлиқини билдүрүп" өзгәртишниң амали болмиди, көнмәй илаҗ яқ " дәп көрсәтти.

Мәзкур мутәхәссис сөзидә йәнә "үрүмчи шәһириниң һавасиниң бундақ еғир дәриҗидә булғунуп кетиши мәзкур җайдики көмүр истимал қилиш нисбитиниң юқири икәнликидин" дәп билдүргән.

Үрүмчи шәһириниң ахбарат баянатчиси чи вейҗиң йеқинда, йәрлик һөкүмәтниң бу йил үрүмчидики һаварайни яхшилаш үчүн 350 милйон йүән мәбләғ салғанлиқини мәлум қилған. Лекин үрүмчи ахалилири баянатчи мәлум қилған бу мәбләғниң рас -ялғанлиқиға шундақла мәзкур җайда йиллардин буян иҗра қилинип келиватқан "көк асман иншаати" қатарлиқ һавани тазилаш үскүнлиригә гуманлиқ қаримақта. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.