Үрүмчиниң һава булғинишини асаслиқ көмүр иси кәлтүрүп чиқармақта


2006.12.24
Share on WhatsApp
Share on WhatsApp

Үрүмчиниң һава булғиниш мәсилиси хели йиллардин бери давамлишип келиватқан еғир мәсилә болуп, һәтта үрүмчи хитай бойичә шиәндин қалса һава муһити әң начар шәһәрниң бири болуп санилип кәлгән.

Болупму бу йил қиш пәсли кириши билән үрүмчиниң һава булғиниши бәшинчи дәриҗини көрситип кәлмәктә. Үрүмчи метрологийә һәмдә муһит асраш идарилири һава булғинишниң үрүмчи аһалисигә кәлтүридиған зийинини йениклитиш үчүн һәтта бир қанчә қетим сүний қар яғдурған болсиму, һазирға қәдәр үрүмчиниң һава муһити йәнила еғир дәриҗидә булғиниш һалитидә турмақта.

23 - Декабир үрүмчидики мунасивәтлик даириләрниң шинҗаң хәвәрләр тор бети мухбирлириға ашкарлишичә, үрүмчи һава муһитиниң еғир дәриҗидә булғунишидики асаслиқ сәвәб шәһәр аһалилириниң исиништа көмүрни йеқилғу қилғанлиқи шундақла пар билән тәминләштиму асаслиқ йеқилғуниң көмүр болғанлиқи үчүн, болупму һәр қиш пәслидә үрүмчи һавасиға 110миң тонна зәһәрлик ис қоюп берилидикән. Ениқлинишичә үрүмчидики шәһәр аһалиси ишләткән көмүр миқдари пүтүн хитайдики аһалиниң ишлитиватқан көмүр миқдариниң төт һәссигә тоғра келидикән. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.