Ürümchining hawa bulghinishini asasliq kömür isi keltürüp chiqarmaqta


2006.12.24

Ürümchining hawa bulghinish mesilisi xéli yillardin béri dawamliship kéliwatqan éghir mesile bolup, hetta ürümchi xitay boyiche shi'endin qalsa hawa muhiti eng nachar sheherning biri bolup sanilip kelgen.

Bolupmu bu yil qish pesli kirishi bilen ürümchining hawa bulghinishi beshinchi derijini körsitip kelmekte. Ürümchi métrologiye hemde muhit asrash idariliri hawa bulghinishning ürümchi ahalisige keltüridighan ziyinini yéniklitish üchün hetta bir qanche qétim sün'iy qar yaghdurghan bolsimu, hazirgha qeder ürümchining hawa muhiti yenila éghir derijide bulghinish halitide turmaqta.

23 - Dékabir ürümchidiki munasiwetlik da'irilerning shinjang xewerler tor béti muxbirlirigha ashkarlishiche, ürümchi hawa muhitining éghir derijide bulghunishidiki asasliq seweb sheher ahalilirining isinishta kömürni yéqilghu qilghanliqi shundaqla par bilen teminleshtimu asasliq yéqilghuning kömür bolghanliqi üchün, bolupmu her qish peslide ürümchi hawasigha 110ming tonna zeherlik is qoyup bérilidiken. Éniqlinishiche ürümchidiki sheher ahalisi ishletken kömür miqdari pütün xitaydiki ahalining ishlitiwatqan kömür miqdarining töt hessige toghra kélidiken. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.