Ürümchi da'iriliri hawa muhitini yaxshilash üchün tedbir qollanmaqchi


2007.01.30

Uyghur aptonom rayonluq muhit qoghdash idarisining tor bétidin melum bolushiche, -26hem -27yanwar künliri ürümchide muhit mesilisi heqqide mexsus yighin chaqirilghan bolup, yighinda muhit mutexessisliri " ürümchining hawa muhitini yaxshilash üchün choqum tebi'iy gazni asasliq yéqilghu qilish kérek" dep körsetken.

Ürümchining hawa bulghinish derijisi bu yil beshinchi derijini körsetken bolup, xitay buyiche hawa muhiti eng nachar sheher bolup qalghan idi.

Ürümchi hawa muhitining bolupmu qish peslide dawamliq nacharlishishigha, ürümchining jughrapiyilik ornila emes belki kömürni asasliq yéqilghu qiliwatqanliqi asasliq tesir körsitiwatqan bolup, yighin'gha qatnashqan xitay döletlik muhit qoghdash idarisining injénéri yang jingtyen pikir bayan qilip " Uyghur éli tebi'iy gaz bayliqigha mol, ürümchining hawa muhitini yaxshilash üchün tebi'iy gazni yéqilghu qilishni kéngeytish kérek " dégen.

Uyghurlar xitay hökümitining Uyghur élining teb'iy gaz, néfitqa oxshash tebi'iy bayliqlirini peqet xitay ichige toshup, yerlik xelq üchün ishletmeywatqanliqidin narazi bolup kelmekte.

Mutexessisler yighinda yene, ürümchining hawa muhitini yaxshilash üchün ürümchidiki 5000din artuq hawagha is qoyup bériwatqan orunlarning énérgiye menbesini özgertishini otturigha qoyghan.

Ürümchi hökümiti muhit mutexessislirining pikirlirige asasen bu yil hawa muhitini yaxshilash tedbirlirini élish üchün 5 milyon yüen ajratmaqchi iken. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.