Ваң лечүән вә исмаил тиливалди азадлиқ армийә әскәрлирини йоқлиди


2007-02-18
Share

Хитай һөкүмитиниң уйғур елигә бекиткән әмәлдари ваң лечүән, өзиниң муавин һәмрийи исмаил тиливалди билән бирликтә йеиқинда, шинҗаң һәрбийә район оргиниға берип, зитай азадлиқ армийисиниң шинҗаңда турушлуқ қисимлиридики офитсир ‏- әскәрләрдин һал сориған.

Хитай ахбарат вастилириниң бу һәқтә бәргән хәвиридин ашкарлинишичә, ваң лечүән қатарлиқ әмәлдарлар азадлиқ армийиниң офетсир ‏- әскәрлиридин һал сораш билән биргә йәнә уларни нурғун пул билән мукаплиған.

Ваң лечүн, азадлиқ армийә әскәрлиригә, қисимниң уруш қилиш иқтидарини ашуруш, чегра районниң муқимлиқи, дөләтниң бихәтәрлики қоғдап, сотсиялистик инақ шинҗаң қуруш үчүн төһпә қошушни тәләп қилған.

Ваң лечүәнниң, уйғур елида миллий бөлгүнчилик, чегра районниң муқимсизлиқи дигәнләрни баһанә қилип, нурғунлиған уйғурларни түрмиләргә ташлиғанлиқи һәтта нурғун уйғур яшлирини өлүм җазаси билән җазалап келиватқанлиқини тәкитләватқан, чәтәлләрдики уйғур тәшкилатлири, униң һәққидә хитай мәркизи һөкүмитигә очуқ хәт йезип, униң қанунсизлиқ қилмишлирини паш қилидиғанлқини билдүрмәктә.

Хитайда чиқидиған бир жорналда йеқинда ваң лечүәнниң, шәндоңдики дөләт игиликигә тәвә 73 миляртлиқ бир еликтир ениргийә ширкитини, 3 миляртқа сетивитиштәк хиянәтчилик дилосиға четилип қалғанлиқи паш қилинған иди.

Күзәткүчиләр, ваң лечүнниң арқа терики күчлүк болғанлиқи үчүн униң көплигән қанунсизлиқ қилмишлири бастурулуп кәлмәктә дийишмәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт